താന്‍ പൂര്‍ണ സസ്യാഹാരിയാണെന്നും മാംസാഹാരം വിളമ്പിയ സ്പൂണ്‍ കൊണ്ട് സസ്യാഹാരം വിളമ്പുമോ എന്ന പേടിയുള്ളതിനാല്‍ യാത്രയില്‍ ഭക്ഷണം കൂടെക്കൊണ്ടു പോവുമെന്നും തുറന്നു പറഞ്ഞ് എഴുത്തുകാരിയും സാമൂഹിക പ്രവര്‍ത്തകയുമായ സുധാമൂര്‍ത്തി.
എന്നാല്‍ ഈ പ്രസ്താവന ഇതിനോടകം വിമര്‍ശനങ്ങള്‍ക്കും ട്രോളുകള്ക്കും പാത്രമായിക്കഴിഞ്ഞു.”ഞാനൊരു സസ്യാഹാരിയാണ് (വെജിറ്റേറിയനാണ്). മുട്ടയോ വെളുത്തുള്ളിയോ പോലും കഴിക്കില്ല. വെജിറ്റേറിയന്‍ നോണ്‍ വെജിറ്റേറിയന്‍ ഭക്ഷണം വിളമ്പുന്നതിന് ഒരേ സ്പൂണ്‍ ഉപയോഗിക്കുമോ എന്നതില്‍ എനിക്കു പേടിയുണ്ട്. അതുകൊണ്ട് വിദേശത്തു പോകുമ്പോഴൊക്കെ വെജിറ്റേറിയന്‍ റസ്റ്ററന്റുകള്‍ കണ്ടുപിടിച്ച് അവിടെ പോയി ഭക്ഷണം കഴിക്കും. അതല്ലെങ്കില്‍ സ്വന്തമായി ഭക്ഷണം തയാറാക്കി കഴിക്കും. അതിനായി ഭക്ഷ്യപദാര്‍ഥങ്ങളും പാചകം ചെയ്യാനുള്ള സംവിധാനങ്ങളും അടങ്ങിയ ബാഗ് എപ്പോഴും കൈയില്‍ കരുതും” സുധാമൂര്‍ത്തി പറയുന്നു.
അതേസമയം സുധാമൂര്‍ത്തിയുടെ പ്രസ്താവന ചര്‍ച്ചയായതോടെ പലവിധ പ്രതികരണങ്ങളാണ് സോഷ്യല്‍ മീഡിയയില്‍ നിറയുന്നത്.
ഏതു ഭക്ഷണം കഴിക്കണമെന്നത് ഒരാളുടെ സ്വാതന്ത്ര്യമാണെന്നും പല ഇന്ത്യക്കാരും വിദേശത്തുപോകുമ്പാള്‍ ഭക്ഷണം കൂടെക്കരുതുമെന്നും ചിലര്‍ സമൂഹമാധ്യമങ്ങളില്‍ കുറിച്ചു.
എന്നാല്‍ സുധാമൂര്‍ത്തി ലാളിത്യം അഭിനയിക്കുകയാണെന്നും ചിലര്‍ പറയുന്നുണ്ട്.ചെറിയ കുക്കര്‍ കൂടി തന്റെ ബാഗില്‍ കരുതാറുണ്ടെന്ന് യൂട്യൂബ് വീഡിയോയില്‍ അവര്‍ പറയുന്നുണ്ട്.
തന്റെ അമ്മൂമ്മ ഒരിക്കലും പുറത്തുനിന്ന് ഭക്ഷണം കഴിച്ചിട്ടില്ലെന്നും പുറത്തുപോകുമ്പോള്‍ ഭക്ഷണവുമായാണ് പോയിരുന്നതെന്നും ഇക്കാര്യത്തില്‍ അവരെ പരിഹസിച്ചിട്ടുണ്ടെന്നും സുധ മൂര്‍ത്തി വ്യക്തമാക്കുന്നു.
ഇപ്പോള്‍ താനും അവരെപ്പോലെയായെന്നും സുധാമൂര്‍ത്തി വീഡിയോയില്‍ കൂട്ടിച്ചേര്‍ക്കുന്നു.
